જુનાગઢ શહેરનો હસ્નાપુર ડેમ ઓવરફ્લો. જુનાગઢ થયું જળમગ્ન. જ્યાં જુઓ ત્યાં પાણી પાણી. અહીં વિડિયો જુઓ

જૂનાગઢમાં બે દિવસમાં સતત વરસાદથી નદી નાળાઓ બે કાઢે વહી રહ્યા છે. ગિરનાર જંગલમાં અતિશય વરસાદ પડવાથી જંગલમાંથી પાણીનો ઘોડાપુર છૂટ્યો હતો. ભવનાથ જતા વચ્ચે આવેલ પાજનાકા પુલ નીચે ઘણા લોકો માતાજીની ચૂંદડીઓ, મૂર્તિઓ આખું વર્ષ પધરાવામાં આવે છે આજે એ પાજનાકા પુલ નીચે પાણીનું રોન્દ્ર સ્વરૂપ જોવા મળ્યું હતું અને પધરાવામાં આવેલ તમામ વસ્તુઓ પાણીના તેજ પ્રવાહ સાથે વહી ગઈ હતી.

છેલ્લા બે દિવસથી અવિરત વરસાદ પડી રહ્યો છે. જેના લીધે નદીઓ પણ છલોછલ થઈ ઉભરાય રહી છે. ચોવીસ કલાક દરમ્યાન લગભગ ૧૧ ઈંચ ઉપર વરસાદ પડવાથી જ્યાં જોવો ત્યાં પાણી પાણી નઝરે આવી રહ્યું છે. જૂનાગઢમાં આવેલ દાતાર રોડ વિસ્તારમાં લોકોના ઘરોમાં પાણી ઘુસ્યા હતા. રીક્ષા જેવા વાહનો પણ ત્રણ ફૂટ પાણીમાં ગરકાવ થઈ હતી. ઘણા લોકો પાણી જોવા માટે અગાશી પર ચડ્યા હતા.

જૂનાગઢ શહેરના વોર્ડ – ૧૧ માં ખરાબ સ્થિતિ જોવા મળી હતી. જલારામ સોસાયટી, રોયલ પાર્કમાં રહેતા લોકોના ઘરમાં બે થી ચાર ફૂટ જેટલું પાણી ઘુસી ગયું હતું. વીડિયોમાં દ્રશ્યો જોતા જ જણાય આવે કે ત્યાંના લોકોની સ્થિતિ કેવી હશે. લોકોનું કહેવું છે કે, નર્મદેશ્વર મંદિર પાસે તળાવમાં જવાનું વોંકડા નું મોઢું બંધ કરવાથી જમા થયેલું પાણી હવે સોસાયટીમાં ઘુસી રહ્યું છે અને લોકોના ઘરમાં પણ આવી રહ્યું છે. હજી તો ચોમાસાની શરૂઆત જ થઈ છે ત્યાં આવી સ્થિતિ જોવા મળી છે.